oleh

Syair Tana Bone Wanuakku

Judul : Tana Bone Wanuakku
Ciptaan : Mursalim (Gita)
Bone : 17 Juni 2010

Tana Bone wanuakku
Wanua alebbireng
Nairing angin tasi
Tasi’na Teluk Bone

Massalipu pangadareng
Natudang rilangkana
Nawala-wala suji
Rilangkana Bola Soba

Makkawaru temapettu
Nasiyame ada-ada
Sitonra-tonra ola
Ritana bangkalae

Bunga palla ritengngana
Mabeluwa sampo geno
Unga nairing angin
Lipu Arung Palakka

Angin timo maruddani
Poleni pattasie
Sitinro-tinro lopi
Lebo ri Tanjung Pallette

Giling tinro tengnga benni
Uni manu massengereng
Matteddung worong-porong
Ritengngana Bulu Mampu

Rekko laoki mabela
Ricappa bitarae
Engerangngi sompummu
Ricoppona Cempalagi

Mallebba samparajae
Riwowona Tana Bone
Ritiro tiro mennang
Reso ana ogie

Sunge pole tenribali
Silasa teridapi
Addampengengnga kasi
Ri lino ri ahera

Berikutnya